قال ايش قال مخترع

صباحكم / مسائكم خير

قال ايش قال قال مخترع

الحين لو أقولكم إن فلان من الناس مخترع...
على طول ومن دون أدنى تفكير بيكبر فلان (نفس فلان الأول) وبتقولون مشاء الله عليه
وياليتني زيّه...مع انكم ماتدرون وش اخترع من البداية!!!!

أنا ومن تحت هذا المنبر بحاول بقدر المستطاع إني أغيّر هذا الاعتقاد الخاطيء
وهذه الاستراتيجية البلهاء

(أما استراتيجيه متعوب عليها)

لنأخذ على سبيل المثال...الأمريكي ييل
في عام 1865م اخترع ييل (((القفل)))...(شركه ييل للاقفال = اكبر شركة اقفال في وقتنا الحين)

بالله هذا اختراع؟؟؟!!!
هذا ييل زي اللي يصوم يصوم يصوم ويفطر على بصله
يعني يوم الله كتب انك تخترع..مالقيت الا قفل؟؟!!
ادري ان بعضكم بيقول ان القفل مهم وضروري ومدري ايش
بس معليش..قبل لا يخترع ابو الشباب قفله بـ223 اخترع (باسكال) الآله الحاسبة
شف الفرق بين القفل والآله الحاسبه
لااا واللي يرفع ضغطك أكثر ان ييل هذا يقولون انه اذا قلط عند احد يذبحون الذبايح ويرزّونه بصدر المجلس...عشان ايش؟؟؟ عشان قفل!!!

يالله لا تبلانا

والمشكله ان فيه اكثر من مخترع ممن هم على شاكلة ييل

(شاكلة بعد متعوب عليها)

تعالوا شوفوا قليل الأدب الأمريكي الي اسمه جريجوري بيتكوس..
أنا اجزم ان بيتكوس هذا كان من عمالقة السرابيت والدشير بأمريكا وراعي بنات بعد
عشان كذا ((اخترع حبوب منع الحمل))

قسم بالله مايستحي

برضو ادري ان بعضكم (نفس البعض اللي قبل شوي) بيقول اننا نحتاج الحبوب هذي

بس أنا من رايي انه المفروض يخترع حاجه فيها فايده اكثر
تعالوا شوفوا السنايدي فريدريك باتينج اللي اكتشف الانسولين قبل ما يخترع الداشر حبوبه بــ33 سنه

لاحظ الفرق بين حبوب المنع والانسولين

قسمن عظمن ناس ترفع الضغط

واللي يقهرك ان فيه بعض المخترعين اخترعوا حاجات مهمه
لكن محد عطاهم وجه ولا عبّرهم

زي اللي اخترع اهم اختراع في تاريخ البشريه (في نظري)

و.كارير
مخترع المكيف

<==== واضح انه راعي نوم

هذا كارير محد عطاه وجه..صحيح ان ((شركة كارير)) للتكييف لهم بس ماعاملوه زي أبو قفل والا الحبّاب

على العموم أنا كنت مخطط اني اكتب موضوع اطول من كذا واشمل

بس وأنا قاعد احضّر للموضوع وابحث طلع لي واحد فاضي مرررره
اسمه شارلز هيدبرت
أول ماقريت اختراعه قفلت اخلاقي وسكرّت النت واكتفيت باللي تكلمت عنهم فوق


شارلز
أول من اخترع البسكوت!!!!

ملقوط

تحياتي

انا اخترعت الموضوع

وثاني شي انا بنت